ဂကောံဒဳမဝ်ကရေဇြဳ ကောန်ဂကူမန်

(တိဍာ်ဗၠးၜးဍုၚ်မလေဝ်ယှာ)

          လ္တူနူဏအ် သွာၚ်စပ်ကဵုပရေၚ်ဂကူမန် ပ္ဍဲဍုၚ်မန်ပိုဲတေံလေဝ် ကေၚ်ဒးစဵုဒးစးထ္ၜးကၠုၚ်ဆန္ဒ ဂတမုက်ရုၚ်ကလုတ်ဗၟာ နွံကၠုၚ်ကီု ပ္ဍဲစၟတ်တ္ၚဲ ၂၇-၁၀-၂၀၀၆ ဂှ် ကၠောန်ဗဒှ်သ္ဘၚ် ဒုၚ်တၠုၚ် နာယကဇၞော် အ္စာထောန်ဝဵုကီု ပ္ဍဲစၟတ်တ္ၚဲ ၂၉-၁၀-၂၀၀၆ ဂှ်ပၠန် ကလေၚ်ကၠောန်ဗဒှ်သ္ဘၚ် ဒုၚ်တၠုၚ်အမာတ်မန် ပွိုၚ်ဍုၚ်ကအ်ကြိက် (MNDF) ပ္ဍဲပေါဲရုဲမာဲ သၞာံ ၁၉၉၀ ဂှ်ဇၞးလဝ်မာဲ နာဲသရက် ( နာဲတံၚ်ယှိၚ် (က) နိုၚ်သောၚ်းရှိန်) မာန်ကၠုၚ်ကီုရ။ 

          ကၠောံစိုပ်သၞာံ ၂၀၀၇ သ္ကုတ်ပထမဂှ် ဥက္ကဌ နာဲလွဳဆာန်(အံၚ်ခေဝ်)ဂှ် ၜက်တိတ်အာ ဍုၚ်သအာၚ်တုဲ ဒုဥက္ကဌ နာဲရဲမန်(မုဟ်ဒုန်) ဆက်ကေတ်ာတာလျိုၚ်ပၠန်တုဲ သ္ကုတ် ဒုတိယဂှ် ဥက္ကဌ နာဲဗၠာၚ်ထဝ် (မဟေဲ) ညးအုပ်ကာ နာဲသာၚ်ဝဏ္ဏ (ကအ်ဂဵု) ဆက်ကေတ်တာလျိုၚ်ပပန် မဒှ်ရ။ ပ္ဍဲစၟတ်တ္ၚဲ ၂၇-၀၄-၂၀၀၇ ၈ှ် ပ္တိတ်ကၠုၚ်လိက်ပရိုၚ် “လိုက်ပိုဲ” လ္တူဍုၚ်မလေဝ်ယှာမာန်ကၠုၚ်ကီုရ။ 

          ပ္ဍဲစၟတ်တ္ၚဲ ၁၈-၀၇-၂၀၀၇ဂှ် အသိၚ် UNHCRတအ်ကဵုကၠုၚ် လိက်တၞးစၟတ်သမ္တီကောန်ညးဒှ် ဒဒိုက် UN လ္တူဂကူမန်ပိုဲတုဲ စနူအခိၚ်ဏအ် ဂကောံဟံၚ်ပြာ်မန် ဍုၚ်မလေဝ်ယှာ ဂဵုလဟဵု မြဟ်တမ္ညဝ်အာ အလုံလိုက်ဒၞါဲကောန်ဂကူမန်ပိုဲမာန်ကၠုၚ်ရ။ အကြာကြာဂှ် ဟိုတ်နူဆဵုဂ္ဗ တၚ်ခက်ခုဲ လ္တူသြန်ဂိတု ကာတ် MRO နာနာတုဲ ပ္ဍဲဂိတု ၈ အိုတ် ၂၀၀၇ ဂှ်ကလေၚ်ပလေဝ်ထောံ ကာတ် MRO ပြံၚ်သၠာဲထောံ ၚ္ၚုဟ်မးညိပၠန်ရ။ ၚ္ၚုဟ်ကၠောန်ကာတ် RM 50၊ သြန်ဂိတုထံက်ပၚ် RM 5 မွဲဝါပၠန်ရ။ မွဲအဆက်ဓဝ် ပရေၚ်ကောန်ဂကောံတအ် ကုညးမရပ်ကာတ်မန် ဂွံဒုၚ်စသိုၚ်မာန်ဂှ်လေဝ် ပလေဝ်လလောၚ်တြးအာ အကြာကောန်ဂကူမန်ပိုဲ ညိညသ္ဇိုၚ်သာပပန် စပ်ကဵုပရေၚ်ပညာလေဝ် နာဲကြက်သဟာဲနန် (ဝါဍောတ်) ရေၚ်တၠုၚ်ဗ္တောန်ကၠုၚ်ရ။ 

          ပ္ဍဲစၟတ်တ္ၚဲ ၁၆-၁၀-၂၀၀၇ ဂှ် သွက်ကောန်ဂကူမန်နွံ တိဍာ်မလေဝ်ယှာ ဂွံဒှ်ဗဟုတသုတ ပရေၚ်ဂကူနာနာ တၟအ်ရန်တုဲ ကၠောန်ဗဒှ်ကၠုၚ်သ္ဘၚ်ဒုၚ်တၠုၚ် ညးအုပ်ကာနာနာ ဗော်ဍုၚ်မန်တၟိ နာဲဟံသာ မာန်ကီုရ။ (ဥက္ကဌ ဗော်ကလေၚ်ပ္တန်ဍုၚ်မန် နာဲပါန်ညောအ်လေဝ် မွဲဝါ) သာ်ဝွံ ချဳဒရာၚ်ကၠုၚ်နွံရ။ စိုပ်သၞာံ ၂၀၀၈ ဥက္ကဌ နာဲလွဳမန် (ကြုက်ပိ) ညးအုပ်ကာနာဲသာၚ်ဝဏ္ဏ (ကအ်ဂဵု) ဆက်ကေတ် တာလျိုၚ် ပၠန်တုဲ ပ္ဍဲစၟတ်တ္ၚဲ ၀၁-၀၅-၂၀၀၉ အခိၚ် ၇:၀၀ နာဍဳသဝ်တ္ၚဲဂှ် = နာဲစက္ကာဲ၊ နာဲဗဵုရတ်မန်၊ နာဲတေန်အံၚ်၊ နာဲ လွဳမန်၊ နာဲသာၚ်ဝဏ္ဏ၊ နာဲဗၠာၚ်ထဝ်၊ နာဲကယျိုၚ်မန်၊ နာဲအံၚ်မန်၊ နာဲကျေဝ်ဂေါဝ်၊ နာဲဟံၚ်ဆာန်၊ နာဲဂံၚ်ဆာန်ခေတ်၊ နာဲဇၞးထဝ် ၁၃ တၠ ချပ်သဳကၠဳသွက်သ္ဂောံထံက်ပၚ် ဗော်၃ ဗော် ၆ ဂိတု မွဲဝါ သွက်ဂွံကဵု (၁) ဗော်ဍုၚ်မန်တၟိ၊ (၂) ဗော်ကလေၚ်ပ္တန်ဍုၚ်၊ (၃)ဗော်ဒဳမဝ်ကရေဇြဳကောန်ဂကူမန် မဒှ်ရ။ 

          စပ်ကဵု ကိစ္စလ္တူဏအ်ဂှ် တုပ်စိုတ် ၆ တၠ၊ ဟွံတုပ်စိုတ် ၇ တၠ နွံကၠုၚ်ရ။ သွက်သ္ဂောံထံက်ပၚ်ဗော် ၃ ဗော်ဂှ် ဟွံဒှ်ကၠုၚ်ကီုလေဝ် သွက်ကောန်ဂကူမန် စိုပ်တိဍာ်မလေဝ်ယှာတအ် ဂွံဒှ်အာ သက်သဳသာဓက သၠုၚ်ၚ်ပြဲပြဲမာန် ထပ်ရန်တၟအ်တုဲ ပ္ဍဲစၟတ်တ္ၚဲ ၁၁-၁၂-၂၀၀၉ ဂှ် နူ ဂကောံဟံၚ်ပြာမန် ထံက်ပၚ်လ္တူသၚ်သွဟ်လိက် အလုံဍုၚ်မန် ရာမညနိကာယ မၞုံ ၁၃၀ ကိုဋ် ကေုာံ ဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာသာ အလုံဒေသမန် ၁၀၀ ကိုဋ်ကီု မဒှ်ရ။ 

          စိုပ်သၞာံ ၂၀၁၀ ဥက္ကဌ နာဲသိလ္လာနန် (ဗဂေါ)၊ ညးအုပ်ကာ နာဲကျေဝ်ရတ်(ကအ်လ္ဂုတ်) ဆက်ကေတ်တာလျိုၚ်တုဲ ပ္ဍဲစၟတ်တ္ၚဲ ၁၆-၁၀-၂၀၁၀ ဂှ် သွက်ကောန်ဂကူမန် ဂွံဒှ်ကၠုၚ်ဗဟုသုတ ပရေၚ်ဂကူနာနာ ရန်တၟအ်ပၠန်တုဲ ချဳဒရာၚ် ကၠောန်ဗဒှ်သ္ဘၚ်ဒုၚ်တၠုၚ် ဥက္ကဌ ဗော်ဍုၚ်မန်တၟိ နာဲထဝ်မန် နွံကၠုၚ်ကီု သီုဂွံထံက်ပၚ်လၟိဟ်သြန် မွဲဠက် ရန်ဂေတ် ကေုာံ စရိတ်က္ၜၚ်ကျာ ၄ တၠ RM 4800 ရေန်ဂေတ်ကီု သီုဂွံကဵုဒါန်ထံက်ပၚ်သြန် လ္တူခမဳသၚ်မန် ကတ်ပညာ ဍုၚ်သဳရိလၚ်္ကာ RM 3390.00 ကီုမဒှ်တုဲ စိုပ်သၞာံ၂၀၁၁ ဥက္ကဌ နာဲသာၚ်ဝဏ္ဏ (ကအ်ဂဵု)၊ ညးအုပ်ကာ နာဲဥက္ကာ (ကအ်ကွေံ) ဆက်ကေတ်တာလျိုၚ်ပၠန်တုဲ သီုဂွံကၠောန်သ္ဘၚ် တွံဍောၚ်ဓရ်ကျာ်တြဲ တၠဂုဏ်အ္စာ တိုက်လိက်ပရိယတ္တိ ဘာပၞဟ်ကီု မွဲဟာန်ကေုာံ တၠဂုဏ်အ္စာသဳလာစာရကီု ဂၠာဲသြန်ဗွဝ် ပၠောပ်ကၠုၚ် (ဒြဟတ်ဂဳတ) နွံကၠုၚ်ကီုရ။ 

          အပ္ဍဲသၞာံ ၂၀၁၂၊ ဥက္ကဌ နာဲသာၚ်ဝဏ္ဏ (ကအ်ဂဵု)၊ ညးအုပ်ကာ နာဲဘောဂ (ဂၞကျာ်သၟိၚ်) ဆက်ကေတ်တာလျိုၚ်တုဲ ဂိတု ၁၀ စၟတ်တ္ၚဲ ၂၈ ဂှ် သွက်ကောန်ဂကူမန် ဂွံဒှ်ဗဟုသုတ ပရေၚ်ဍုၚ်ကွာန်၊ ပရေၚ်လိက်ပတ်၊ ပရေၚ်ပိုန်ဒြပ်တုဲ တၠဂုဏ်အ္စာထာဝရ ဘာမန် သၞေဟ်ဂၠုၚ်၊ က္ဍိုက်ပ်တုဲ ကၠောန်ဗဒှ် သဘၚ်ဟီုတွံ ဘိက်ကော် တၠပညာ ၃ တၠ ပ္ဍဲဍုၚ်မန် ပိုဲတေံရ။ ညးတအ်ဂှ် အ္စာဇၞးမန် (နိုၚ်ၚွေသိန်း)၊ နာဲမၞိက်ၜိုပ် (နိုၚ်မောၚ်တိုး)၊ ကေုာံ နာဲဗညာသာန်တအ် မဒှ်ရ။ ဣဝွံ ဝၚ်ရုၚ်ဟံၚ်ပြာ် ဍုၚ်မလေဝ်ယှာ မဒှ်ရ။ 

ဘဝကောန်ဂကူမန်ပိုဲ နူစကျကၠုၚ်ဍုၚ်တုဲဗက် မွဲခေတ်ကဵုမွဲခေတ် မွဲသၞာံကဵုမွဲသၞာံ ဒးဂြိပ်ဒဴ ဒၟံၚ်နူကွာန် နူဌာန်ဒတန််ၜိုဟ်ဟ်သြိုဟ်ဟ်တံဂှ် နွံကၠုၚ်ဒၟံၚ် ဒဵုကဵုခေတ်ဂမတ်ပိုဲ တ္ၚဲဏအ်ဏီရ။

အကာဲအရာဂြိပ်ဒဴ မွဲအခိၚ်တေံကဵုအခိၚ်တ္ၚဲဏအ် ဟွံတုပ်သၟဟ်ညးသ္ကံညိဓဝ်ရ။ ဗွဲမဂၠိုၚ် မန်ဒဴတိတ်နူကွာန် အခိၚ်တ္ၚဲဏအ်ဂှ် ဟိုတ်နွံၜါသာ် ဂွံဆဵုကေတ်ရ။

1. ညးလ္ၚဵုဖေက်ဘဲဒန် အလဵုအသဳကၟိန်ဍုၚ်ဗၟာ ဒၟနူဍဵုဍိုက်ပျဲပျာန် သ္ပမာန်ကြာန်န်တအ်ဂှ် ဟွံမိက်ဆဵု ဟွံမိက်ဒုၚ်သ္ပဍိတ်လ္တူ အလဵုအသဳတုဲဂြိပ်ဒဴ တိတ်ဂှ်လေဝ်နွံ

2. ရန်တၟအ်သွက်သ္ဂောံဗပေၚ်ဗုၚ်ဂၞဴတုဲ ဒးဒဴတိတ်ကၠုၚ်နူကွာန်ဂှ်လေဝ်နွံ သာ်ဝွံ နွံၜါသာ်ရ။

ရန်ကဵုဟိုတ်ၜါသာ်ဏအ်တုဲ ပ္ဍဲသက္ကရာဇ်ဍုၚ် ၁၃၆၁ သၞာံ၊ သက္ကရာဇ် ခရေတ် ၂၀၀၀ ၊ မန်စိုပ်ဍုၚ်မလေဝ်ယှာ ကုညး မၞုံကဵု စိုတ်ဓါတ်ဆာန်ဂကူတအ် ဒုၚ်ခဳကၠုၚ်လဝ် အကြာဝါတ်ဂါတ်နာနာတုဲ “ အဃောဂၠာဲပကောံဒၟံပရေၚ်ဂယိုၚ်လမျီုဗုၚ်ဂၞဴဂှ် မွဲသာ်၊ မွဲလ္ပာ်ဂှ်ပၠန် ကမၠေန်ဒေါအ်ဟွဴဂွံ သ္ၚဳရံၚ်ဝၚ်ဂကူတုဲ မံၚ်ဟွံမာန် က္တဵုဂ္စါန်ကၠောန်ကၠုၚ် သွက်ဂကူမွဲကဏ္ဍကီု"ဂှ် ဂွံဆဵုကေတ်ရ။

ကမၠောန်ညးတအ် စကၠောန်ချဳဒရာၚ်ဏာဂှ် ဗွဲကိုပ်ကၠာဟၟဲကဵု ဂကောံကမ္မတဳဒှ်ကၠာလေဝ် နဲကၠောန်ဂွံမာန်တအ်ဂှ် ပ္တိတ်ဏာဒြဟတ် ဝဳရိယညးတအ်တုဲ ပ္ဍဲသၞာံ ၂၀၀၀ ဂှ်ရ - နာဲပိုၚ်နန် ဇာတိကွာန် တ္ကအ်ခၟိုၚ် က္ဍိုက်ပ်တုဲ ကသေအ်ကၟဝ်ဂွံသ္ကံရဲ မိတ်သဟာဲ စိုတ်ဓာတ်ဂကောံနွံတအ်တုဲ စကၠောန်ကၠုၚ် တ္ၚဲကောန်ဂကူမန် မရနုက်ကဵု ၅၃ ဝါ လ္တူဍုၚ်မလေဝ်ယှာရ။

မွဲသၞာံကဵုမွဲသၞာံ စိုတ်ဓာတ်ညးဆာန်ဂကူတအ် ဂၠိုၚ်ကၠုၚ်တုဲ သာ်လဵုဂွံသ္ပသၠုၚ်ပ္တိုန် အသိၚ်ပရေၚ်ချဳဒရာၚ်ရောဂှ် ချပ်စညးသ္ကအ်ရ။ ကလေၚ်ရန်က၆ု ဘဝကောန်ဂကူမန်ပိုဲ ပြးဒၟံၚ်လ္တူဍုၚ်မလေဝ်ယှာဏအ် (ဝါ) မန်စိုပ်ဍုၚ်မလေဝ်ယှာတအ် ညံၚ်သ္ဂောံ ကောံကလောံ ညဳသာကၠောံဍညးသ္ကအ်မာန်တုဲ သမၠုၚ်ပ္တိုန်အသိၚ် ရန်တၟအ်တုဲဂှ်ရ ပ္ဍဲစၟတ်တ္ၚဲ (၂၀-၀၃-၂၀၀၃) သက္ကရာဇ်ဍုၚ် ၁၃၆၁ သၞာံ ဂိတုဖဝ်ရဂိုန် ၃စွေက် တ္ၚဲဗြဴဗတိဂှ် အ္စာနာဲထောန်ဝဵု အာဂတ ပၠတရဴတုဲ နာဲပိုၚ်နန်၊ နာဲခေတ်ရာမန်၊ နာဲကောန်ဇၞး၊ နာဲမန်ထောန်မိုၚ်၊ နာဲအပါဆာန်၊ နာဲခ၊ နာဲဟံၚ်ဆာန် ကော် နာဲယေန်တအ် ဂ္ဇအ်ဝိုၚ်သဳကၠဳ ကောံဓရီုစပ်ကဵု ပံက်ပ္တန်ဂကောံမွဲမွဲ လ္တူဍုၚ်မလေဝ်ယှာထေက်ရဏောၚ် သာ်ဝွံ ကလိဂွံတၚ်တုပ်စိုတ်တုဲ ပ္ဍဲသက္ကရာဇ်သာသနာ ၂၅၄၆၊ သက္ကရာဇ်ဍုၚ် ၁၃၆၅ သၞာံ ဂိတုပသာ် ၅ စွေက်၊ တ္ၚဲအၚာ ( ၂၀၊ ၀၅၊ ၂၀၀၃) ဂှ် စဒက်ပ္တန်ကၠုၚ် ဂကောံမန်မွဲ လ္တူဍုၚ်မလေဝ်ယှာမာန်ရ။ ဂကောံဝွံ မၞုံယၟု “ ဂကောံဒဳမဝ်ကရေဇြဳ ကောန်ဂကူမန် တိဍာ်ဗၠးၜး ဍုၚ်မလေဝ်ယှာ၊ Mon National Democratic Federation” ဗွဲမအံၚ်ဇၞး ဒှ်ကၠုၚ်ဂကောံ လ္တူဍုၚ်မလေဝ်ယှာရ။

မွဲအဆက်ဓဝ် ရုဲစှ်ပ္တိုန်ညးတာလျိုၚ်ကမ္မတဳ ၆ တၠ - နာဲထောန်ဝဵု နဒဒှ်နာယက၊ နာဲပိုၚ်နန် နဒဒှ် ဥက္ကဌ၊ နာဲခေတ်ရာမန် နုဒဒှ် ဒု-ဥက္ကဌ၊ နာဲကောန်ဇၞး နဒဒှ် ညးအုပ်ကာ၊ နာဲမန်ထောန်မိုၚ် နဒဒှ် ဖက်ဆောညးအုပ်ကာ၊ နာဲအပါဆာန် နဒဒှ် လျိုၚ်ဘဏ္ဍာ၊ လျိုၚ်စန္ဒက် နာဲဟံၚ်ဆာန် (က) နာဲယေန်တအ် မဒှ်တုဲ ချဳဒရာၚ်ကၠုၚ် သွာၚ်ပရေၚ်ကမၠောန် UNHCR ကၠာရ။ မွဲအခိၚ်ဝွံ ဒဒှ်ရ ဂကူဂကောံညးဒှ်ဒဒိုက် ဂမၠိုၚ် လ္တူ ဍုၚ်မလေဝ်ယှာ ဏအ် ကောန်ဂကူမန်ပိုဲလေဝ် ပါလုပ်ဒၟံၚ် ပ္ဍဲဇရၚ်ကောန်ညးဒှ် ဒဒိုက်ကီုတုဲ စပ်ကဵု ကၠာဘာသာ မ္ဂး ကောန်ဂကူမန်ပိုဲ ဒှ်တၚ်ခက်ခုဲ ဆဵုဂ္ဗ တၚ်ဝါတ်ဂါတ် လ္တူညးကၠာဲဘာသာတုဲ နာဲခေတ်ရာမာန် ဘိုၚ်ရေၚ်တၠုၚ်ရနုက်ဗပေၚ်ကဵု ကၠာဲဘာသာ နကဵု part time ပ္ဍဲရုၚ် UNHCR မဒှ်ရ။

ပ္ဍဲစၟတ်တ္ၚဲ ၁၀၊ ဂိတု ၁၂၊ သၞာံ ၂၀၀၃ ကြပ်အိုတ်ဂှ် ကလေၚ်ဂ္ဇအ်ဝိုၚ်သဳကၠဳ ကောံဓရီုဇၞော် မွဲဝါပၠန်ရ။ ပ္ဍဲကောံဓရီုဝွံ ကလိဂွံတၚ်သ္ဂုတ်သွာတ် ၜါတၚ်မဒှ်ရ။

1. အနာဂတ်ဂတဏအ် ညံၚ်သ္ဂောံဒှ်အာသြန်ဂကောံ MNDF ။

2. ခမဳသၚ်မန်ဂမၠိုၚ် ကၠုၚ်စိုပ်ဌာန်ဒေသ ဍုၚ်မလေဝ်ယှာမ္ဂး မန်နွံ မလေဝ်တအ် ညံၚ်သ္ဂောံဒှ် မဗဳဇကုသဵု ဂွံရီုဗၚ်ထံက်ပၚ်ရေၚ်တၠုၚ်မာန်။

   သာ်ဝွံတုဲ စကၠောန်ကၠုၚ်ကာတ် MNDF မဒှ်ရ။ အာယုက်ကာတ်ဝွံ ပွိုၚ်မွဲသၞာံ၊ မွဲတၞးမ္ဂး RM 15 မဒှ်ရ။

သွာၚ်ချဳဒရာၚ်ရေၚ်တၠုၚ် လ္တူကောန်ဂကူမန် နွံတိဍာ်မလေဝ်ယှာတအ် တၞဟ်ဟ်သာ်ဂှ် ဟွံမွဲကၠုၚ်ဏီရ။ ပွိုၚ်ၜါသၞာံ ဂကောံဒဳမဝ်ကရေဇြဳ ကောန်ဂကူမန် တိဍာ်ဗၠးၜး ဍုၚ်မလေဝ်ယှာ ရေၚ်တၠုၚ်ဒတုဲကၠုၚ်ဖဵု သာ်ဏအ်ရ။

“ဝၚ်ဂကောံ

ဟံၚ်ပြာ်မန် ဗွဲခမၞောန်”

ပြံင်သၠာဲယၟုဂကောံနူ MNDF သ္ဂောံဒှ် MRO

ပ္ဍဲကဵု သက္ကရာဇ်ဍုၚ် ၁၃၆၇၊ ဂိတုစဲ ၃ စွေက် ( ၂၆၊ ၀၃၊ ၂၀၀၅) တ္ၚဲအၚာဂှ် နူကဵုဂကောံ ဒဳမဝ်ကရေဇြဳ ကောန်ဂကူမန် (တိဍာ်ဗၠးၜးမလေဝ်ယှာ) မွဲကဆံၚ်ဂှ် ပြံၚ်သၠာဲထောံယၟု “ဂကောံဟံၚ်ပြာ်မန် ဍုၚ်မလေဝ်ယှာ KL”ရ။

ဟိုတ်သ္ဂောံပြံၚ်သၠာဲယၟုဂကောံ

1. ဂကောံ MNDF ဟိုတ်နူဒှ်ဒၟံၚ် ဂကောံပရေၚ်ဍုၚ်ကွာန်မွဲတုဲ ကောန်ဂကူမန်တအ် ဟွံဂံၚ်လုပ်ဂကောံ။

2. လုပ်ဂကောံတုဲ ဓဝိၚ် ဖေက်စဴကွာန်ဟွံဂွံ (ဝါ) ဂွိၚ်ဖေက်ဒးဒုၚ်ရပ်ကု ဗၠာဲသၟိၚ်ကၟိန်ဍုၚ်ဗၟာ။

3. အခိၚ်ဝွံ ဒှ်အခိၚ်ကၟိန်ဍုၚ်ဗၟာက္တဴက္တာန်ကီု (ဝါ) ၚ္ၚုဟ်သၠာဲသြန်ခိုဟ်မံၚ်တုဲ သၟာကမၠောန်တအ် အရီုနွံလ္ပါ်သွက်ဗုၚ်ဂၞဴလ္တူကမၠောန်ဂၠိုၚ်။

ဟိုတ်ဍေံနွံကၠုၚ် ညာတ်ကၠုၚ်သာ်ဏအ်တုဲ နဲလဵုကၠောန်ဂွံဂှ် က္ဍိုပ်သ္ကိုပ်ညးမဆာန်ဂကူတအ် ဟွံယှအ်ကၠေံဇဲလွဳတုဲ ဗွဲတၟေၚ် ကလိဂွံကသပ်နူ ညးဒုၚ်ကာဂကောံ NGO မွဲတၠ မၞုံယၟု Miss Alice ကေုာံ သ္ကအ်ရဲညးဂမၠိုၚ်ဒဒှ်ရ ပံက်စမ်ရံၚ်ဂကောံ ကောန်ညးဒှ်ဒဒိုက်တှ်ေပြေပြံၚ်ဏောၚ် သာ်ဝွံ စပံက်ကၠုၚ်ဂကောံ Mon Refugee Centre ကၠာရ။

ပ္ဍဲသၞာံဝွံ သ္ဂုတ်သွာတ်ဂှ် ဥက္ကဌ နာဲပိုၚ်နန် (တ္ကအ်ခၟိုၚ်)၊ ညးအုပ်ကာနာနာ နာဲမန်ထောန်မိုၚ်တံ မာ်မွဲစွေက်တုဲဗက်ဂှ်ပြံၚ်သၠာဲထောံ ညးတာလျိုၚ်တၟိတုဲ ဥက္ကဌ နာဲသာန်ထောန် (ဗဂေါ)ညးအုပ်ကာ နာဲလွဳဆာန် (အၚ်ခေဝ်) ဆက်ကေတ်အာ တာလျိုၚ်ပၠန်မဒှ်ရ။ ပ္ဍဲသၞာံဂှ်ရ ဟွံလအ်အပိုၚ်အခြာ ကာတ် MNDF ဂှ် ပြံၚ်သၠာဲထောံ MROတုဲ မွဲဒမြိပ်ဓဝ်ပလေဝ် ပ္တိုန်ဗီုပြၚ်ရုပ် ဗီုပြၚ်ဂကောံ၊ ဖျေံကၠုၚ်စေဝ်ပၞောန် သၞောတ်ဝ် နွံကၠုၚ်ညိညသ္ဇိုၚ်သာရ။ အာယုက်ကာတ် MRO ပွိုၚ်၁ သၞာံ ၚ္ၚုဟ်ကၠောန်ကာတ် RM 50 သြန်ထံက်ပၚ် ၁ ဂိတုမ္ဂး RM 10 ပွိုၚ် ၁ သၞာံမ္ဂး နွံၚ္ၚဟ်မး RM 170 ရ။

ဣဝွံ ချဳဒရာၚ်ကၠုၚ်ဌာန်ဒတန်ဒေသရုၚ် မၞုံအာမ်ပါန်ၚ်(Ampang) ကၠောံစိုပ်သၞာံ ၂၀၀၆ ၊ ရုၚ်မၞုံဒေသ ပူတူ (Pudu) သ္ကုတ်ကၠာဂှ် ဥက္ကဌ နာဲသာန်ထောန် (ဗဂေါ) ညးအုပ်ကာ နာဲလွဳဆာန် (အၚ်ခေဝ်) သ္ကုတ်ဒုတိယ မာ်မွဲစွေက်တုဲဂှ် ပြံၚ်သၠာဲထောံ ဥက္ကဌ နာဲလွဳဆာန် (အၚ်ခေဝ်)၊ ညးအုပ်ကာ နာဲသာၚ်ဝဏ္ဏ (ကအ်ဂဵု) ဆက်ကေတ်အာတလျိုၚ်ပၠန်မဒှ်ရ။

ပ္ဍဲစၟတ်တ္ၚဲ ၁၅-၁၀-၂၀၀၆ ဂှ်ကလေၚ်သ္ပဝိုၚ်သဳကၠဳ ကောံဓရီုဇၞော်မွဲဝါပၠန် လၟိဟ်မၞိဟ်တိုန်စိုပ် ၂၇ တၠနွံတုဲ ဖျေံကၠုၚ်အခေါၚ်အရာ ညးရပ်ကာတ်မန် MRO ကေုာံပရေၚ်ကဵု အာရီုဗၚ်လ္တူကောန်ဂကူ မပ္တံပရေၚ်ထတ်ယုက်၊ ပရေၚ်ဂီုကၠီု၊ ပရေၚ်စဵုဒၞါဘဲအန္တရာဲ ကုညးဒးဒုၚ်လီဠာန် လ္တူသေဌဳကီု အကြာပေါဲဇါကီု နုပ္တိတ်၊ ဗက်အမှု စဒှ်ကၠုၚ်တုဲ သီုဌာန်ဒတန် သွက်ခမဳသၚ်ဂွံဇူ သွက်ကၟုဲအာကၠုၚ် ဂွံဇူမာန်ဂှ်လေဝ် ပလေဝ်ကၠုၚ်ဒၟံၚ်မွဲဂိတု ကဵု မွဲဂိတု သိုက်က်အံၚ်ဇၞးမာန်ကၠုၚ်ရ။

ဂာကောံမန်

ဂကောံပံၚ်တောဲ

စပ္တန်ဂကောံပံၚ်ကောံပ္ဍဲ ကဵု သၞာံ ၂၀၀၇ တေံ နကဵု ဂကောံကောန်ဍုၚ်အရေၚ် ကၟိန်ဍုၚ်ဗၟာ ၈ ဂကောဴံရ။ COBEM ဂှ် အဓိက သွက်ဂွံ ဆက်စၠောံ ကု NGO ဂမၠိုၚ်၊ သွက်ဂွံ ပ္တိုန်ထ္ၜးအခက်ခုဲ ကောန်ဒဒိုက် နူဍုၚ်ဗၟာ နမွဲရမျာၚ်ကု UNHCR မာန် ကေုာံ သွက်ဂွံကၠောန်သွာၚ် Advocacy မဒှ်ရ။

ကောန်ဂကောံ COBEM ဂမၠိုၚ်

ပ္ဍဲဂကောံ COBEM ဂှ် ရုၚ်ကောန်ဍုၚ်အရေၚ် ပါလုပ် ၈ ရုၚ်။ ကောန်ဂကူ ၇ ဂကူမဒှ်ရ။ ကောန်ဂကူပါလုပ်တအ်ဂှ် ကချေၚ်၊ ကရေၚ်ဍာဲ၊ ကရေၚ်၊ ချေၚ်၊ ရက္ခိုၚ် ကေုာံ သေံ တအ်ပါလုပ်ရ။

Coalition of Burma Ethnics Malaysia

ယၟုရုၚ်မပါလုပ် ပ္ဍဲ COBEM ဂမၠိုၚ်

KRC, ACR,CRC, MKO, OKD, ARRC ကေုာံ MRO မဒှ်ရ။