MRO Care

အစဳဇန်ကမၠောန်ပရေၚ်ထတ်ယုက် မူဝါဒ (MRO CARE)

MRO Care ဟီုမ္ဂးဂှ် ဒုၚ်သဇိုၚ်ကဵုဂကောံမၞိဟ်တအ်ဂမၠိုၚ်တုဲ ပံၚ်ကောံစုတ်လဝ်သြန်မွဲစွံ သွက်ဂွံဒှ်အာသြန်ရီုဗၚ်ထံက်ပၚ်ဂှ် ဖန်အစဳဇန်လဝ်ရ၊၊ အခိၚ်ကောန်ဂကောံစုတိချိုတ်အာကီု၊ အခိၚ်ကောန်ဂကောံတအ် နွံပၟိက်သြန်ရီုဗၚ်စရိတ် လွဳဝတ်ယဲကေုာံဒးတိုန်ရုၚ်ဂဥုဲတအ်ကီု မပ္တံနာနာသာ် ရီုဗၚ်ထံက်ပၚ်အာရောၚ်၊၊ သြန်ရီုဗၚ်ထံက်ပၚ်ဏံဂှ် နူကဵုမၞိဟ်ဇၞော်ဂကောံMRO Care ကေုာံညးတာလျိုၚ်ဂကောံ MRO တအ် သ္ပသ္ကိုပ်သ္ကတုဲ ရေၚ်တၠုၚ်အာကဵုရောၚ်၊၊

MRO ဟီုဂှ် အတိုၚ်ကဵုလဝ်ယၟုဂကောံရုၚ်ဟံၚ်ပြာ်မန်၊ ဂကောံNGO (ဂကောံအလဵုအသီဟွံသေၚ်) ၊ အဆက်ဗ္စိုပ်လဝ်ကဵုဂကောံပ္ဍဲဍုၚ် ဂကောံညးမကဵုအရီုဗၚ်ထံက်ပၚ်ပွဳပွူ ပရေၚ်မၞိဟ်ကောန်ဒှ်ဒဒိုက်တအ် ဂမၠိုၚ်ကီု နကဵုဂကောံသၟိၚ်ကုလသမ္မဂ္ဂကီု ရေၚ်တၠုၚ်အာမွဲစွံတုပ်တုပ်တုဲ MRO Care ဏံသ္ပကဵုစၞးလုပ်ကၠောန်အာကဵုဂတမဒှ်ရ၊၊

ပူဂိုလ်လဵုမှ ပ္တိုန်စရၚ်လုပ်သ္ပကောန်ဂကောံ MRO Care မာန်ရော။ 

မၞးတအ်လုပ်အာစရၚ်ကောန်ဂကောံပရေၚ်ထတ်ယုက် MRO Care မွဲယျတှ်ေ အတိုၚ်ကဵုလဝ် စဳပၞောန်စၞောန်ထ္ၜးလဝ်ဗွဲသၟဝ်တေံမ္ဒးချူ ဖဍိုက်ဗပေၚ်ဒ္ဂေတ်ဗက်အာရောၚ်။ 

• ဒးဒှ်ကောန်ဂကောံရုၚ်ဟံၚ်ပြာ်မန်၊ ကောန်ဍုၚ်မန်မတန်တဴဒၟံၚ် ပ္ဍဲကၟိန်ဍုၚ်မလေဝ်ယှာ။ 

• မၞိဟ်အာယုက်အကြာ ၁၆ သၞာံစဵုကဵုစိုပ် ၆၅ သၞာံ။ 

• အတိုၚ်စၞောန်ထ္ၜးလဝ် ဗွဲသၟဝ်တေံ စပ်ကဵု ဂကူစၟသတ်ယဲ ဂမၠိုၚ် ပ္ဍဲအလဵုခန္ဓကာယဇကုမၞးတအ် ဒှ်မံၚ်မ္ဂး လုပ်ဂကောံဒုၚ်တဲဟွံထေက်ရောၚ်။ 

1. ယဲ HIV နွံ ကေုာံ ဒှ်ဒၟံၚ်ယဲ AIDS

2. Alzheimer's (က) ယဲမၞိဟ်ဇၞော်ဝိုတ်လောဲ 

3. ယဲလတေၚ်ဆီဂြိပ်ယောၚ်ယာ (ပ္ဍဲဗုၚ်၊ ပ္ဍဲဗွိုၚ်ကောန်တၟအ်ဂုဟ်တေၚ်ဂှ် ကတေၚ်ဆီဇၞော်ဂုဟ်တေၚ်တိုန်) 

4. ယဲလတေၚ်ဆီကောန်တၟအ်ၜေတ်(ယီုသြိုဟ်ဂြေက်)

5. ကေၚ်ုှ်လဝ်ယဲဃေန်သာ (Cancer) လောန်ကၠုၚ်စှ်သၞာံပြၚ် 

6. ပ္ဍဲကောန်ၚာ် ဍောတ်တ် ယဲကတၚ်က္ဍဟ်ချိုတ်

7. ယဲကောန်တၟအ်လီု(ယဲကောန်တၟအ်ဟွံကၠောန်ကမၠောန်)

8. ယဲကောန်တၟအ်လတေၚ်ဆီၜေတ်

9. ယဲကသအ်ကေုာံ ယဲထိုၚ်စၞပါကၠုၚ်နူဂဝ်မဗဳဇ

10. ယဲခန္ဓကာယ ကေုာံ က္ဍဟ်ဟွံဍိုက်ပေၚ် ပါကၠုၚ်နူဂဝ်ဗဳဇ

11. ယဲကောန်တၟအ်လတေၚ်ဆီကၟာတ်

12. ယဲသၠာစုတ်လဝ်ကသအ်ကောန်တၟအ်တၟိ

13. ယဲဂြိုဟ်ဂုဟ် (စၟယဲ - ဘဳ၊ဇြဳ၊ဒဳ) ဍာ်ဇမၠိၚ်နွံမ္ဂး 

14. နူစသၠးဂဝ်ဂၞဴလတေၚ်ဆီဖျုန် က္ဍိုဟ်လီုလာ် 

15. ယဲက္ဍိုပ်ဇၞော်(ဍာ်လုပ်လဝ်ပ္ဍဲက္ဍိုပ်)

16. ယဲကၟက်ဂြိဟ်လီု

17. ယဲဍာ်ဇမၠိၚ် ( ယဲဂၠိၚ်သ္ၚောဲ။ ဒးလွဳမွဲအာယုက်) 

18. ပ္ဍဲခန္ဓပိုဲ သၠာစုတ်လဝ်ကပေါတ် ခန္ဓ ကိစ္စဇၞော်ဇၞော်

19. ယဲကြောံၜက်လောန်ကာဲ 

20. ယဲဓါတ်စဵုဒၞါခန္ဓကာယစှ်ေ

21. ယဲဖျုန်ကောန်ကၞိဍောတ် အေဲဇြစှ်ေကၠုၚ် 

22. ပ္ဍဲကောန်တၟံ ထပ်စုတ်လဝ်စက် 

23. ယဲလတေၚ်ချိုတ်

24. ယဲအာယုက်ဇၞော်တိုန်တုဲ လတေၚ်ဆီက္ဍဟ်ဂြိပ်ယောၚ်ယာ

25. ပ္ဍဲလတေၚ်ဆီဍောတ်တုဲဒှ်ယဲ 

26. ပဋိသိန္ဒိနွံ

27. ကောန်ၚာ်နူစသၠးဂဝ်ဂၞဴလတေၚ်က္ဍဟ်ဇၞော်ပါ်တိတ်

28. ယဲကျာ

29. ယဲဇြဟတ်အောန်တုဲ ဇီုကပိုက်ကဵု ခန္ဓကာယဇိုၚ်တဲ

လၟိဟ်ၚ္ၚုဟ်မးသြန်သွက်ဂွံလုပ်စရၚ်ကောန်ဂကောံ

နကဵုအလဵုဇကုဇကု ပ္တိုန်စရၚ်လုပ်ကောန်ဂကောံမွဲမ္ဂး မၞိဟ်မွဲသွက်မွဲသၞာံ ဒးပလုပ်မသြန် RM150၊ မသြန် ၁၅၀ ဏအ်ဂှ် ဂွဴအခိၚ်အာယုက်ကောန်ဂကောံပွိုၚ် ၁၂ ဂိတု - မွဲသၞာံရ။ နကဵုအလဵုဇကုဇကု သွက်ဂွံဒှ်ကောန်ဂကောံမွဲမ္ဂး လၟိဟ်ၚ္ၚုဟ်မးသြန်အတိုၚ်ကဵုလဝ် သၞောတ်ဗ္ၜတ်ဒးပလုပ်သြန်ကၠာတုဲ သြန်ပလုပ်လဝ်စရၚ်ကောန်ဂကောံတုဲတအ်ဂှ် သွက်ဂွံကလေၚ်ပတိတ်ပၠန်ဂှ် အခေါၚ်ဟၟဲရောၚ်။ နကဵု အလဵုဇကုဇကု လုပ်အဝေါၚ်ဒှ်ကၠုက်ကောန်ဂကောံမွဲတုဲယျမ္ဂး စိုပ် အခိၚ်ပေၚ် ၁၂ ဂိတု ကာတ်အာယုက်အိုတ်အာမ္ဂး ဒးကလေၚ်ဆက်အာယုက်ဒးကလေပ်ထပ်စုတ်သြန် RM 150 ပၠန်မှ အာယုက်လုပ်လဝ်စရၚ်ကောန်ဂကောံဂှ် ဂွံဂျိုၚ်တုန်တုဲ ဂွံအခေါၚ်လုပ်အဝေါၚ်သုၚ်စောဲရ။ ကလေၚ်တၟော်တော်တှ်ေ မသြန် RM-150 ပတုံအာမွဲဂိတုမှ RM-12.50 ညိကီုရ။ 

ဗၞတ်ဗ္ၜတ်အခိၚ်ဒှ်ကောန်ဂကောဲကေုာဴ စလုပ်အဝေါၚ်သုၚ်စောဲ

သွက်သၞာံပထမကၠာဏံ ဒးပလုပ်မသြန် RM-150 ဂွံလုပ်စရၚ်ဂွဴဒှ်အာကောန်ဂကောံချိုတ်တ်ပၠိုတ်တ်မွဲ ဒးပ္တိုန်စရၚ်လုပ်ဂကောံတုဲ ဒးမၚ်အခိၚ်ပေၚ် ၆၀ တ္ၚဲတုဲမှ ဂွံအခေါၚ်လုပ်အာ အဝေါၚ်သုၚ်စောဲဂွံ သြန်ထံက်ပၚ် ပရေၚ်ထတ်ယုက်ချိုတ်ဂျိုၚ် နူကဵုဂကောံ MRO Care ဏအ်ကဵု အခေါၚ်ရ။ စပ္တံနူကဵုလဝ် ဗၞတ်ဗၜတ် စလုပ်အာ အဝေါၚ်အခေါၚ်သုၚ်စောဲတုဲ စိုပ်အခိၚ်ဒးကလေၚ်ဆက်အာယုက်ဒးပလုပ်မသြန် RM-150 ဟွံဒးမၚ်အခိၚ် ပေၚ် ၆၀ တ္ၚဲ တုဲ စလုပ်အာ အဝေါၚ်အခေါၚ်အရာသုၚ်စောဲမာန်ဟဂှ်ရ။