Refugee Medical Insurence (REMIDI)

REMEDI - ကာတ်ဒုၚ်လျိုၚ် ပရေၚ်ထတ်ယုက် (ကာတ်ဂဥုဲ) သွက်ညးဒှ်ဒဒိုက်ဂှ်မူရော?

ကာတ်ပရေၚ်ထတ်ယုက်REMEDဏအ်ဂှ် သွက်ဂွံကဵုအာရီုဗၚ် စရိတ်ကုလွဳယဲကု ညးမဒှ်အာယဲ ပရေၚ်ဟွံချပ်ဇန်လဝ်မွဲသာ်မက္တဵုဒှ်ကၠုၚ်ကေတ်တ် accident တအ်မဒှ်ရ။ ရာန်လဝ်ကာတ်ဂဥုဲ မၞုံၚ္ၚုဟ်မး ၁၈၃.၆၀ ရေန်ဂတ်ဏအ်မ္ဂး နူကဵု REMEDI တအ်ဓလီု၊ ဗပေၚ်ကဵု ပရေၚ်သြန် သွက်ကောန်ဒှ်ဒိုက် ညးဒးတိုန်စိုပ်ရုၚ်ဂဥုဲအလဵုအသဳကၟိန်ဍုၚ်မလေဝ်ယှာ ဟိုတ်နူကဵုယဲကီု၊ အကာဲအရာဟွံထေၚ်လဝ်မွဲသာ်မက္တဵုဒှ်ကီု (ဝါ) ဝဲလီုလိုက်အာဟိုတ်နူကဵု အကာဲအရာသ္ၚဳညာတ်ဟွံမာန်တအ်ဂှ် ကီုမ္ဂး ညးတအ် ကေတ်လျိုၚ်ကု စရိတ်လွဳယဲရောၚ်။ ယဝ်ခါရ ဒှ်ကၠုၚ်အတိုၚ်လ္တူတေံမ္ဂး နူကဵု REMEDI ကဵုစရိတ်သွက်လွဳယဲ သွက်တိုန်ရုၚ်ဂဥုဲမွဲအလန် စဵုကဵု ၁၀၀၀၀ ရေန်ဂေတ်တုဲ မွဲသၞာံမ္ဂး စဵုကဵု ၂၀၀၀ ရေန်ဂေတ် ညးတအ်ကဵုစရိတ်ရောၚ်။

မူဟိုတ်ပိုဲဒးကၠောန်လဝ်ကာတ်ဂဥုဲထေက်ရော?

• ပရေၚ်ဂိယဲညာတ်ဟွံမာန်တအ် က္တဵုဒှ်ကၠုၚ်မ္ဂး သွက်ကောန်ဒှ်ဒဒိုက်တအ် တိုန်ရုၚ်ဂဥုဲပ္ဍဲဍုၚ်မလေဝ်ယှာမ္ဂး သြန်အိုတ်ဂၠိုၚ်တုဲ သွက်ဂွံလွဳယဲ စသုၚ်ဟွံရုံဂပ်တအ်ညံၚ်ဟွံဂွံဒှ်မာန် ဒှ်အာပရေၚ်စဵုဒၞါမာန်ရ။

• REMEDI နွံမ္ဂး ကောန်ဒှ်ဒဒိုက်တအ် စိုတ်ဟွံဒးယှုက်ပရေၚ်သြန်သွက် ပရေၚ်ထတ်ယုက်ရအဴ။

• ဒးပၜတ်ကု ဖဵုသ္ဂောံဒုၚ်စသိုၚ် မပ္တံကဵု ပွိုၚ်မွဲသၞာံ တိုန်ရုၚ်ဂဥုဲမွဲဝါမ္ဂး အခေါၚ် ဒုၚ်စသိုၚ် ၁၀၀၀၀ ရေန်ဂေတ်နွံကီု၊ ပွိုၚ်မွဲသၞာံစရိတ်တိုန် ရုၚ်ဂဥုဲ ကေုာံ စရိတ်ပါ်စရေက် ၂၀၀၀၀ ရေန်ဂေတ် ကီု၊ ယဝ်ခါရ ဟွံထေၚ်လဝ်မွဲသာ် စုတိအာကီု၊ ဝဲလီုအာကီုနွံမ္ဂး ၁၀၀၀၀ ရေန်ဂေတ် သွက်ညးရာန်လဝ်တအ် အခေါၚ်ဒုၚ်စသိုၚ်နွံရ။

• REMEDI (ရာမ်မဒဳ) ဂှ် ဒှ်ကဏ္ဍပရေၚ်ဒုၚ်လျိုၚ် ပရေၚ်ထတ်ယုက် နူကဵုဂကောံပံၚ်တောဲ UNHCR ကေုာံ Allianz တအ် မဒှ်ရ။

ညးဂှ်ရာန်ကာတ်ဂဥုဲမာန်ရော?

• ကောန်ဒှ်ဒဒိုက်ကေုာံ ညးရပ်လဝ်လိက်တၞးအာတ်ဒှ်ကောန်ဒှ်ဒဒိုက် မၞုံသၟဝ်တုဲ UNHCR Malaysia မ္ဂးရာန်မာန်ရ။

  ညးရပ်လဝ်လိက်တၞးပ္တိုန် စရၚ်ကောန်ဒှ်ဒဒိုက်ဟွံဂွံဏီရ။

• ညးမၞုံအာယုက် (၁၈) သၞာံ စိုပ် (၆၀) သၞာံ

ယဲဘဲဗီုပြၚ်လဵုဂှ် လုပ်အဝေါၚ် ပ္ဍဲ REMEDI ရော?

ယဝ်ခါရ မၞးဒးတိုန်ရုၚ်ဂဥုဲပ္ဍဲကဵု ရုၚ်ဂဥုဲအလဵုအသဳ ဒၟာနူကဵု ယဲ ကီု အန္တရာယ် ညာတ်ကေတ်ဟွံမာန်က္တဵုဒှ် ကဵုဇကုမ္ဂး နူကဵု REMEDI တအ်ကဵုစရိတ်တိုန်ရုၚ်ဂဥုဲသွက်ညးရာန်လဝ်တအ်ရ။

အရာလဵုဂှ် REMEDI ဟွံကဵုအထံက်အပၚ်ရော?

နူကဵု REMEDI ဏအ်ဟွံကဵု စရိတ်ထံက်ပၚ်သွက်ညးတိုန်ရုၚ်ဂဥုဲပုဂ္ဂလိက ကေုာံ သွက်ဂိယဲဟွံဒးတိုန်ရုၚ်ဂဥုဲတအ်ရ။

အပ္ဍဲဍုၚ်မလေဝ်ယှာဏအ် စပ်ကဵုပရေၚ်ဒုၚ်လျိုၚ်ပရေၚ်ထတ်ယုက်တအ် သွက်အကာဲအရာ ယဲလ္ၚဵုလ္ၚဵု ကေုာံ ပရေၚ်လွဳယဲလ္ၚဵုလ္ၚဵုတအ်နွံရ။ REMEDI လေဝ်ဗီုပြၚ်ဂှ်ကီုရ။ ဗီုပြၚ်ယဲနူကဵု REMEDI ဟွံထံက်ပၚ်တအ်ဂှ် အတိုၚ်သၟဝ်တေံမဒှ်ရ။

1. ယဲဝေဒနာမက္တဵုဒှ်ဒၟံၚ်တုဲတုဲ (ယဲဝေဒနာ မက္တဵုဒှ်မံၚ်တုဲတုဲ နူကၠာဟွံဂွံ ပၠုပ်စရၚ် ကၠောန်ကာတ် REMEDI)

2. ယဲကေန်သာ အလုံအိုတ်ဿီု။ ယဲဍာ်ဇမၠိၚ် မက္တဵုဒှ် အကြာကၠောန်ကာတ်တုဲ ပ္ဍဲပွိုၚ် ၁၂၀ တ္ၚဲ

3. ပွမပါ်စရေက်စုတ်ပလာတ်သတေတ်၊ ပွမပါ်စရေက်ပယျေဝ်မုက်၊ ပွမထပိုတ်ဖျုန်၊ ပွမစမ်ၜတ်မတ်၊ ကၠောန်ဒ္ၚေါဝ်မတ်၊ ပွမစုတ်ကပေါတ် မကဵုအာရီုဗၚ်ကု ကတောဝ်။

4. ယဲဆေၚ်စပ်ကဵုၚေက်ဂမၠိုၚ်။

5. AIDS/HIV/ARC ။ ပွမစမ်ၜတ်ပ္တိတ်ဂျိ။ ယဲစၠောံနူညးမွဲကု ညးမွဲမာန် အတိုၚ်မဖျေံလဝ်ပ္ဍဲသၞောတ်ဥပဒေ။

6. ပွမသၠးပဋိသန္ဓိ။

7. ပရေၚ်ယဲဟွံဗၠးနူသၞောဝ်ဥပဒေ။ (ဒဒှ်ဂစိုတ်ထောံဇကုဇကု)

8. ပရေၚ်ဘဲဒဏ်ဟိုတ်နူ ပၞာန်၊ ပရေၚ်ရာဇဝတ်၊ ပရေၚ်စပ်ကဵုထ္ၜးဆန္ဒတုဲ ဒးဘဲဒဏ်

9. ယဲဆေၚ်စပ်ကဵု စိုတ်။

   စၟတ်− စရၚ်ယဲကေုာံ အကာဲအရာဟွံဂွံအထံက်အပၚ်တအ်ဂှ်ဆဏအ်ဓဝ်ဟွံသေၚ်။ မိက်ဂွံတီကၠးကၠးမ္ဂး ဗှ်ကေတ်ပေၚ်ပေၚ်ပ္ဍဲ မူဝါဒ ပဝ်လသဳ တေံမာန်ရ။

ဗီုပြၚ် REMEDI

ပ္တိုန်စရၚ်ကၠောန်ကာတ် ပရေၚ်ထတ်ယုက်၊ ကဵုသြန် ၁၈၃.၆၀ ရေန်ဂေတ်တုဲမ္ဂး မၚ်မွဲသတ္တဟတုဲဂွံနၚ် ၃ ဗီုပြၚ်သၟဝ်တေံရ။ မိက်ဂွံတီ သောဲသောဲပြောဲပြောဲမ္ဂး အာဗှ်ကေတ်လ္တူဝေက်သာ် Allianz တအ်မာန်ရ။